Овој ден значи дека секој на планетата Земја има право на храна, на пристоен оброк, но во нашата средина важно е да ги научиме децата дека треба правилно да се хранат, да јадат различни видови на овошје и зеленчук кои заедно со своите родители ќе ги подготват, искомбинираат и декорираат. Работилниците во кои активно учествуваа сите родители, за што им благодариме, ги насловивме - „Боите на виножитото“, за да се запознаат со можностите кои природата ни ги нуди во изобилството на плодови со кои располага нашата околина. Едновремено децата треба да се поттикнат да јадат различни видови на плодови, но и да земат само колку што можат да изедат за да не се создаваат залихи на храна кои подоцна ќе се расипат и пропаднат. Секогаш треба да размислуваме дека треба да споделиме со другарчето или со некој друг дел од храната, за што треба да ги воспитуваме и децата.