Почитувани вработени во детската градинка „ Астибо “ и  соработници

Имав чест и задоволство мојот работен век да го поминам и споделам со многу колешки, соработници, деца и родители, од кои што научив многу нешта и сите ќе ги носам во еден убав спомен.  Денес завршува мојот работен ангажман во кој зад себе оставам многу реализирани проекти, активности, кои што во целост го поттикнаа мојот креативен потенцијал и заедно со сите вработени го подигнавме квалитетот на работа на нашата установа детската градинка „ Астибо“. Сакам да им се заблагодарам на сите колешки и вработени кои несебично се вложуваа и трудеа да ги реализираме со успех планираните проекти и активности, а како последен проект е завршната приредба „ Ние сме деца – ние сме свет“. На крај благодарност упатувам и до раководителите со кои соработував за можноста заедно сите замисли да ги реализираме , со цел унапредување на воспитно – образовната работа со деца од предучилишна возраст. Посакувам да продолжите со реализација на многу активности и успешна реализација на сите проекти кои ве очекуваат во иднина. Бидете секогаш креативни, инвентивни и исполнети со среќа во работата која што ја реализирате. 

Со почит, Елизабета Симоновска